පර්පෙචුවල් සමාගමේ රු. මිලියනයක් ‘වොල්ට් ඇන්ඩ් රෝ’ චෙක්පතෙන් ගත් මන්ත්‍රීවරයා මෙන්න

පර්පෙචුවෙල් ට්‍රෙෂරීස් සමාගම් සමූහයේ සහෝදර සමාගමක් වන ‘වොල්ට් ඇන්ඩ් රෝ’ සමාගමෙන් දුන් රුපියල් මිලියනයක චෙක් පතක්, තම ආරක්ෂක නිලධාරීවරයා මගින් මාරුකරවාගෙන ඇත්තේ මෛත්‍රී – රනිල් ආණ්ඩුවේ ක්‍රීඩා ඇමතිව සිටි දයාසිරි ජයසේකර මහතා විසින් බව මේ වනවිට අනාවරණය වී තිබේ.

අර්ජුන් ඇලෝසියස් මහතා මහ බැංකුවේ අධිපතිව සිටි සමයේ සිදු වූ බැඳුම්කර වංචාව සම්බන්ධයෙන් අධිකරණයේ පවතින නඩුවක් අද (24) කොටුව මහේස්ත්‍රාත් ලංකා ජයරත්න මෙනෙවිය ඉදිරියේ කැඳවූ අවස්ථාවේදී ජනාධිපති නීතීඥ යසන්ත කෝදාගොඩ මහතා විසින් අනාවරණය කර ඇත්තේ නම් හෙළි කළ නොහැකි මන්ත්‍රීවරයෙකු මෙසේ සිය ආරක්ෂකයා ලවා මෙම සමාගම මගින් ලබා දුන් චෙක් පතකින් රුපියල් මිලියනයක මුදල් ලබා ගෙන ඇති බවයි.

තමා ආරක්‍ෂාව සළසමින් සිටින පාර්ලිමෙන්තු මන්ත්‍රීවරයාගේ දැනුම්දීම මත තමන් මෙම චෙක් පත මාරූ කොට රුපියල් මිලියනයක මුදලක් එම බැංකු රථගාලේදී මන්ත්‍රීවරයාට ලබාදුන් බව ඔහුගේ ආරක්‍ෂක නිලධාරීවරයා අපරාධ පරීක්ෂණ දෙපාරත්මේන්තුවට පවසා ඇතැයිද එහිදී නීතීඥවරයා අධිකරණයට අනාවරණය කර තිබිණි.

කෙසේ වෙතත් මේ වනවිට අනාවරණය වී ඇත්තේ එම මන්ත්‍රීවරයා හිටපු ක්‍රීඩා අමාත්‍ය දයාසිරි ජයසේකර මහතා බවයි.

මූලාශ්‍ර සිරස

Lanka Truth